Үйлчилгээний нөхцөл
Захиалга
Та сайтаар дамжуулан бараагаа сагсалж, захиалга өгнө. Захиалгын дараа сонгосон хэлбэрээрээ төлбөрөө төлөх бөгөөд төлбөр баталгаажсанаар захиалга баталгаажна.
Үнэ ба төлбөр
Сайт дээрх үнэ нь НӨАТ багтсан байна. Байгууллагын харилцагч НӨАТ-ын баримт авах бол захиалга өгөхдөө компанийн нэр, регистрийн дугаараа оруулна уу. Төлбөрийг QPay-ээр эсвэл дансаар шилжүүлэх хэлбэрээр хийнэ.
Төлбөрийн хугацаа
QPay — захиалга үүссэнээс хойш 1 цагийн дотор төлнө. Төлбөр орсон даруйд захиалга автоматаар баталгаажна. Дансаар шилжүүлэх — захиалга үүссэнээс хойш 48 цагийн дотор шилжүүлнэ. Гүйлгээний утгад нэхэмжлэхийн дугаарыг заавал бичих бөгөөд утга эсвэл дүн зөрвөл төлбөр захиалгатай холбогдохгүй. Төлбөр манай дансанд орсны дараа захиалга баталгаажна. Заасан хугацаанд төлбөр төлөгдөөгүй бол захиалга автоматаар цуцлагдаж, бараа нөөцөд буцна. Хугацаа дууссаны дараа төлбөр орсон тохиолдолд бараа нөөцөд байвал захиалгыг сэргээж, дууссан бол төлбөрийг буцаан олгоно.
Хүргэлт
Улаанбаатар хот дотор — хүргэлтийн төлбөр 20,000₮. Барааны дүн 200,000₮ ба түүнээс дээш бол хүргэлт үнэгүй. Төлбөр баталгаажснаас хойш 1–2 ажлын хоногт хүргэнэ. Өөрөө авах — үнэгүй; авах цагаа бидэнтэй холбогдож тохиролцоно уу. Орон нутаг, уурхайн талбай — тээврийн компаниар хүргэх бөгөөд хугацаа, зардлыг захиалахаас өмнө бидэнтэй тохиролцоно. Хүргэлтийн төлбөр НӨАТ багтсан бөгөөд захиалгын нийт дүнд нэмэгдэнэ.
Буцаалт ба солилт
Ашиглаагүй, савлагаа бүрэн бүтэн бараа хүлээн авснаас хойш 7 хоног дотор буцаалт/солилтыг хүлээн авна. Хэрэглэгчийн буруу сонголтоос үүдэлтэй буцаалтын тээврийн зардлыг хэрэглэгч хариуцна. Гэмтэлтэй эсвэл буруу ирүүлсэн барааны хувьд зардлыг бид хариуцна. Тусгай захиалгаар авчирсан бараа буцаалтгүй.
Чанарын баталгаа
Филтер нь үйлдвэрлэлийн гэмтлээс ангид байх баталгаатай. Буруу суурилуулалт, буруу хэрэглээ, тохироогүй модельд ашигласан, бохирдол/элэгдэлээс үүдэлтэй гэмтэлд баталгаа хамаарахгүй. Тоног төхөөрөмжийн үйлдвэрлэгчийн баталгаа (OEM)-г хадгалах шаардлагатай бол тухайн брэндийн зөвшөөрөгдсөн филтер сонгохыг зөвлөж байна.
Орлуулах дугаарын тухай
Каталог дахь орлуулах дугаарууд (CAT, MANN, Fleetguard г.м) нь нийцлийн лавлах мэдээлэл бөгөөд эцсийн тохиролыг тоног төхөөрөмжийнхөө дугаартай тулган баталгаажуулна уу. Эргэлзээтэй бол бидэнтэй холбогдоорой.