Бидний тухай

Тесла Моторс ХХК нь Монголын уул уурхай, зам барилга, тээврийн салбарт ашиглагддаг машин механизмын чанартай филтер, сэлбэг хэрэгслийг нийлүүлэх зорилгоор 2025 онд байгуулагдсан.

Бизнесийн замнал

Манай бизнесийн замнал 2009 онд GeoPro Mongolia LLC-ийг байгуулж, геологи, геофизикийн хайгуулын чиглэлээр үйл ажиллагаа явуулж эхэлснээр тавигдсан. Тус компани нь Их Британийн Geovista, Францын IRIS Instruments, Канадын GEM Systems зэрэг дэлхийд хүлээн зөвшөөрөгдсөн үйлдвэрлэгчдийн геофизикийн хайгуулын тоног төхөөрөмжийг Монгол Улсад албан ёсоор төлөөлөн нийлүүлж ирсэн.

2021 оноос бизнесийн үйл ажиллагаагаа уул уурхай, гадаад худалдааны салбарт өргөжүүлж, эрчим хүчний нүүрс болон хайлуур жоншийг БНХАУ-ын зах зээлд тогтмол экспортолж эхэлсэн. Геологи, уул уурхай, тоног төхөөрөмжийн нийлүүлэлт болон олон улсын худалдааны салбарт хуримтлуулсан энэхүү туршлагадаа тулгуурлан 2025 онд Тесла Моторс ХХК-ийг охин компани хэлбэрээр байгуулсан.

Бид яагаад филтерийн салбарыг сонгосон бэ?

Монголын уул уурхай болон хүнд даацын машин механизмын зах зээлд Caterpillar, Komatsu зэрэг томоохон үйлдвэрлэгчдийн албан ёсны дистрибьютерүүд тухайн брэндийн OEM филтерийг нийлүүлдэг. Гэвч OEM бүтээгдэхүүнийг чанар, ажиллагааны хувьд найдвартай орлох, олон улсын шаардлага хангасан aftermarket филтерийн брэндүүдийн албан ёсны нийлүүлэлт, баталгаат борлуулалт хангалтгүй байсаар байна.

Энэхүү зах зээлийн хэрэгцээг үндэслэн бид уул уурхай, зам барилга, тээврийн салбарын хэрэглэгчдэд дараахыг үзүүлэх зорилгоор филтерийн импорт, түгээлтийн үйл ажиллагааг эхлүүлсэн:

• найдвартай, баталгаатай бүтээгдэхүүн
• OEM бүтээгдэхүүнийг орлох чанартай сонголт
• өрсөлдөхүйц үнэ
• өргөн хэрэглээний нийцэл
• тогтвортой агуулахын нөөц
• мэргэжлийн зөвлөгөө, борлуулалтын дараах үйлчилгээ

Манай албан ёсны брэндүүд

Тесла Моторс ХХК нь одоогоор БНХАУ-ын филтер үйлдвэрлэгч дараах компаниудын бүтээгдэхүүнийг Монгол Улсад албан ёсны онцгой эрхтэйгээр нийлүүлж байна:

Манай бүтээгдэхүүнүүд нь уул уурхайн техник, хүнд даацын ачааны автомашин, зам барилгын машин механизм, генератор, үйлдвэрлэлийн тоног төхөөрөмж болон бусад тусгай зориулалтын техник хэрэгслийн өргөн хэрэглээнд зориулагдсан.

Манай бүтээгдэхүүн

Бид дараах төрлийн филтерүүдийг нийлүүлдэг:

• Агаар шүүгч
• Хөдөлгүүрийн тосны филтер
• Түлшний филтер
• Ус, түлш тусгаарлагч
• Гидравликийн филтер
• Кабины агаар шүүгч
• Хүнд даацын машин механизмын тусгай зориулалтын филтер

Бүтээгдэхүүний сонголтыг техникийн загвар, хөдөлгүүрийн төрөл, OEM болон cross-reference дугаарт үндэслэн хийж, хэрэглэгчдэд тохирох бүтээгдэхүүнийг үнэн зөв сонгоход дэмжлэг үзүүлдэг.

Бидний зорилго

Бидний зорилго бол Монголын уул уурхай, зам барилга, тээврийн салбарт ашиглагдаж буй машин механизмын ашиглалтын найдвартай байдлыг нэмэгдүүлэх, хэрэглэгчдэд чанартай филтерийг боломжит үнэ, тогтвортой нийлүүлэлт, мэргэжлийн үйлчилгээтэйгээр хүргэх явдал юм.

Цаашид бид бүтээгдэхүүний нэр төрөл, агуулахын нөөц, борлуулалт болон түгээлтийн сүлжээг үе шаттайгаар өргөжүүлж, Монголын хүнд даацын машин механизмын филтер, сэлбэг хэрэгслийн салбарт найдвартай, урт хугацааны түнш байхаар ажиллаж байна.